Në kuadër të edicionit të shtatë të Javës Globale të Ndërmarrësisë, dhe në partneritet me Oden Ekonomike Amerikane, Agjencia për Zhvillim Rajonal – Qendër mori pjesë në aktivitetin e organizuar në Komunën e Shtimës. Nën moton #sharingiscaring, ndërmarresi i suksesshëm, Gojart Kelmendi ga EuroKosova solli tregimin e tij para të rinjëve në Shtime dhe bisedoi me ta rreth sfidave dhe sukseseve në ndërmarrësi.
Mrikë Gashi nga AZhR-Qendër bëri hapjen e aktivitetit duke thënë se ndërmarrësia duhet të promovohet tek të rinjtë në Kosovë, pasi që mbetet një nga tregimet e suksesit në ekonominë e Kosovës.
Arian Zeka, nga AmCham inkurajoi të rinjtë e pranishëm të fokusohen në ndërmarrësi dhe biznes privat  jo në sektorin publik.
Seria e aktiviteteve #sharingiscaring do të sjellë ndërmarrës të suksesshëm tek të rinjtë në qytete të ndryshme të Kosovës për t’i ndarë eksperiencat e tyre dhe të inspirojnë ata që të ndërtojnë të ardhmen në ndërmarrësi