Agjencia për Zhvillim Rajonal- Qendër sot mbajti aktivitetin e rradhës në kuadër të Javës Globale të Ndërmarrësisë, në partneritet me Ministrinë e Punës dhe Mirëqenies Sociale dhe Komunës së Obiliqit.
Mrikë Gashi nga AZhR-Qendër tha se tashmë është koha që të rinjtë të mos presin punë nga shteti por të zhvillojnë aftesitë për tregun e lirë dhe sektorin privat. Ajo gjithashtu ftoi të rinjtë e pranishëm që të përfitojnë nga shërbimet që ofron AZhR-Qendër për zhvillimin e ideve te biznesit për qëndrueshmëri të balancuar ekonomike në Rajonin Ekonomik të Qendrës.
Të rinjtë dhe gratë e pranishme patën mundesi të trajnohen në zhvillim të shkathtësive të buta – procesin e formulimit të CV-së, letrës së motivimit dhe sjelljes në intervistë.
Trajnime të njejta do të mbahen edhe komunat tjera partnere të AZhR-së. Gjatë ditëve në vijim, do ju njoftojmë për trajnimet qe do mbahen në Prishtinë, Fushë Kosove, Gracanicë, Podujevë, Shtime, Lipjan dhe Drenas.